சுகந்தமே

உனது பார்வை

விசிறியபோது

நான் உனது

விசிறியானேன் !

உன்னைப்

பார்த்தப் பின்புதானே

என் மன்மத சன்னல்கள்

திறந்து கொண்டன !

உனது இமைவிசிறி

அசையும் போதெல்லாம்

என்னுயிருக்குள்

புழுக்கங்கள் !

உனது

வாய் சோலைக்குள்

பற்களாய்

பவலமல்லிகைகளை

பதியம் போட்டது யார்?

எனது கைநார்கள்

கட்டுவதற்கே

சுகந்தம் வழிய

பூத்து வந்தாயோ

புதுமலரே !

உடல் கவர்ச்சியிலே

காதல் உடன்படிக்கை

போட்டவர்கள்

இல்லையே நாம் !

எண்ணப் பந்தல்களில்

மொட்டுவிட்டு

மனமெங்கும்

மல்லிகையாய்

மணந்ததல்லவா?

நம் காதல் !

எனது

கனவு அரங்கில்

உன்னைத்தவிர

வேறுபடங்களை

ஓடவிடுவதில்லை!

எனது சுகந்தமே

உனது முத்தங்கள்

என்ன எலக்ட்ரான்களா?

அவை என்னுள்

மின்னோட்டத்தை

உற்பத்தி செய்தபடி... .. .

இப்பொழுதெல்லாம்

நான்

அதிர்ந்து நடப்பதில்லை

ஏன் தெரியுமா?

நீ எங்கே

வியர்வையாய்

என்னிடமிருந்து

வெளியேறிவிடுவாயோ

என்கிற பயம்தான் !

- சுகன்

ஒன்றில் மற்றொன்று

உனது
உதடுகள் எழுதுகிற
வார்த்தைகளில்
நான்

வௌவாலாய்

தலைகீழாய்...

நீ

என் பக்கத்தில்

இல்லாதபோது

என் அந்தரங்கம்

அனாதையாகிறது ...

நமது

வாழ்வின்

எல்லா நிமிஷங்களும்

ரசிப்புக்குரியவை

உனக்குள் நான்

மின்சாரமாய்

எனக்குள் நீ

பிரகாசமாய் !

- சுகன்

சாமக்கூத்து

சம்போகம்

முடிந்திருந்தது

வியர்வையின்

குதுகலம்

குரூரமாக

ஒருவருக்கொருவர்

பினைந்துகிடந்தனர்

பிசுபிசுப்பு

அசூசையாய் !

தொடங்கும்போது

இருந்த

ஒத்தசிந்தனை

இல்லாமல்

வெவ்வேறு

திக்கில்

இருவரின்

அனுபவக்கிளர்வுகளும்

அடங்கிக் கொண்டிருந்தன !

அதிர்வுருதலுக்கும்

மீளுதலுக்கும்

இடையே

தொலைத்தார்களா ?

பெற்றார்களா !

கணக்கு

பிடிபடாத

புதிராக

ஜாலம் காட்டி

அறைஎங்கும்

பரிகசித்து நின்றது.

அங்குமிங்குமாய்

மெல்லிய அழுத்தம்

எல்லாம் மறந்து

மீண்டுமொரு

வாழ்கைக்காக

தொடர... தொடர...

பழசே

புதிதாய்

புதிதே

பழசாய் !

ஒவ்வொரு

வருசமும்

நாட்குறிப்பு

வாங்குவேன்

மறக்காமல்

ஆண்டு முடிகையில்

எல்லாமும்

வெற்றுப் பக்கங்களாக

வாழ்வை

எழுத எண்ணி

எழுத எண்ணி

ஒவ்வொரு நாளாக

ஓடியே போய்விட்டது

வருச முடிவில்

பிரச்சனை ஒன்றை

கிளப்பும்

இந்த நாட்குறிப்பு

அம்மா

"கோலம் போட

வச்சுக்கலாமா"

மனைவி

"பால் கணக்கு

எழுதலாம்

எடுத்துக்கட்டுங்களா!"

மகள் -

"அட ஸ்டாம்ப்

ஒட்டிவைக்க

அழகாயிருக்கும்பா"

என்தவிப்பு

யாருக்கு புரியும் !

அலமாரியில்

பத்திரப்படுத்தினேன்

எழுதப்படாத

என் வாழ்வின்

வெற்றுச் சரிதத்தை

நினைவூட்டிக் கொள்ள!

- சுகன்

டிசம்பர் சௌந்தரசுகன் இதழ் வந்துவிட்டது. ஆண்டு சந்தா ரூ 180

இலக்கியகுமாரன்ஞானதிரவியம் - சிறுகதை

பாரதிக்குமார் - திரைப்படவிமர்சனம்

வளவ துரையன் - குன்றக்குடி அடிகளார் கட்டுரை

க.சு.சரவணன் - வாழ்த்தட்டும் தலைமுறை கட்டுரை

ந.செல்வன் - வேர்களின் பயணம் கட்டுரை

இரா.எட்வின் - சிறப்பு கட்டுரை

கவிதைகள் - வாழை குமார், புதியமாதவி, மஞ்சுளா, ரவீந்தரபாரதி, வெற்றிப்பேரொளி

அட்டை ஓவியம் - கவியோவியத்தமிழன்

கூர் - இதழ் முகவரி -

அம்மாவீடு, சி-46 , இரண்டாம்தெரு, முனிசிபல் காலனி, தஞ்சாவூர் - 613007